Жаңалықтарды Telegram арнамыздан оқыңыз!Австралияның Квинслэнд және Жаңа Оңтүстік Уэлс штаттарында 140-тан астам орман өрті қаулап, елді мекендерге қауіп төндіріп тұр. Осыған байланысты жүздеген адам үйлерін тастап кеткен. 400-дей тұрғын эвакуациялық орталықтарға орналасты.
Жергілікті басшылықтың мәліметінше, лапылдаған жалын мыңдаған гектар аумақты шарпыған. Жасыл желектерге отты біреулер әдейі қойды деген күдік туындап, кемінде сегіз жерден тұтанған өрт бойынша тергеу жүргізіліп жатыр.
Қазір оңтүстік жарты шарда көктем. Сондықтан, бұл аймақта ормандардың жануы қалыпты жағдай емес. Ал, құтқарушылардың сөзінше, тілсіз жауды ауыздықтауға ұйытқыған жел үлкен кедергі келтіріп отыр.
Арыстан РЫСБЕК
