Қызылордалық кәсіпкерлер өзбекстандық әріптестерімен бірлесіп, инвестициялық жобаларды жүзеге асырмақ

Осы мақсатта Сыр елінен арнайы делегация Самарқан, Науаи қалаларына барып, бірқатар кәсіпорындарды аралады. Жергілікті компания басшыларымен келіссөздер жүргізді. Өндірістік және сауда-экономикалық байланыстарды нығайту бағытындағы жоспарларды нақтылады.

Қызылорда әкімдігі шетелдік инвесторлар өндіріс орнын саламын десе, жер бөліп береді, қажетті инфрақұрылыммен қамтамасыз етеді. Яғни, агроөнеркәсіп секторы, азық-түлік, электротехника, құрылыс және автомобиль өнеркәсібі салалары бойынша Өзбекстан тәжірибесіне сүйенуге мүдделі.

Ақерке БЕРІКБЕКҚЫЗЫ