Жаңалықтарды Telegram арнамыздан оқыңыз!20 ақпанда еліміздің басым бөлігінде атмосфералық ағындардың өтуіне байланысты қар жауады, оңтүстік өңірлерде қар көп түседі. Кей жерлерде тұман, көктайғақ болып, бұрқасынмен желдің күшеюі сақталады, деп хабарлайды Қазгидромет.
Ақмола облысының кей жерлерінде бұрқасын болып, күндіз жел 15-20 м/с-ға күшейеді. Алматы облысының кей жерлерінде тұман, көктайғақ, түнде желдің екпіні 17-22 м/с-ға күшеюі күтіледі.
Жамбыл, Оңтүстік Қазақстан облыстарының кей жерлерінде тұман, көктайғақ, бұрқасын болады, кей жерлерде жел 15-20 м/с күшейіп, екпіні 23-28 м/с болады, түнде Оңтүстік Қазақстан облысында желдің екпіні 25 м/с-ға жетеді.
Қызылорда облысының кей жерлерінде тұман, көктайғақ болып, күндіз жел 15-20 м/с-ға күшейеді. Атырау, Батыс Қазақстан, Ақтөбе облыстарының кей жерлерінде бұрқасын болып, жел 15-20 м/с-ға күшейеді, Ақтөбе облысында желдің екпіні 23 м/с болады.
Қостанай, Солтүстік Қазақстан облыстарының кей жерлерінде бұрқасын, түнде және таңертең тұман күтіледі, жел 15-20 м/с-ға күшейіп, күндіз екпіні 23-28 м/с-ға жетеді. Павлодар облысының кей жерлерінде тұман, күндіз бұрқасын, желдің жылдамдығы 15-20 м/с болады.
Қарағанды облысының кей жерлерінде тұман, көктайғақ, бұрқасын, желдің 15-20 м/с-ға күшеюі күтіледі. Шығыс Қазақстан облысында бұрқасын, көктайғақ болып, желдің күші 15-20, күндіз екпіні 25 м/с болады.
inform.kz
