«Шалқар» радиосы тыңдармандарына жаңа жобалар ұсынады

«Шалқар» ұлттық радиосының эфирі жаңа жобалармен толықты.

Бұдан былай, бейсенбі сайын сағат 16:00-16:30 аралығында тікелей толқындағы «Заң және қоғам» бағдарламасына хабарласып, кәсіби заңгердің кеңесіне жүгіне аласыздар. Редактор-жүргізушісі - Мейрамгүл Исатайқызы.

Ал, жұма сайын, сағат 20:40-та Талант Арғынғалидың жүргізуінде «ЭКСПО апталығы» эфирге жол тартады.

Марал Жұмагелдіқызының «Тоқымқағар» балалар бағдарламасы сәрсенбі сайын, 20:40-та эфирде.

Сондай-ақ, аз ғана уақыт демалысқа шыққан «Тәулік тынысы» хабары да күнсайынғы жұмысын жалғастырады. Еліміздің қоғамдық-саяси, мәдени-рухани салаларындағы елеулі жаңалықтар - осы хабардың жүгі. Айтар ақпаратыңыз болса, 8 (717) 2 55-33-49 нөміріне хабарласыңыз.

Ұлттық радио әр шаңырақта қосулы болсын!