Радио ардагері Қуаныш Орманов: Қазақ радиосы 95 жыл бұрын дүниежүзіне қазақ деген ел бар екенін жар салды

Қазақ радиосын 1987-1996 жылдары басқарған ардагер Қуаныш Орманов бүгін 95 жылдық мерейтойға қатысып, құттықтау тілегін жеткізді.

«Барлықтарыңыз бала кездеріңізден қартайған шақтарыңызға дейін Қазақ радиосын тыңдап өстіңіздер. Талай қиын кезеңдерді бастан өткердік. Сол кезде радио ұжымы бір жеңнен қол, бір жағадан бас шығарып, бірлігін көрсетті.

95 жыл бұрын радио дүниежүзіне қазақ деген ел бар екенін, оның өзінің үні бар екенін жар салды. Бұл - сол кездегі қызметкерлер атқарған ең үлкен жұмыстардың бірі. Ұлттың үні, абыройы аспандай берсін!», -деді радио ардагері құттықтауында.