Бүгін Мемлекет басшысының Біріккен Араб Әмірліктеріне ресми сапары басталды

Қазақстан мен Араб Әмірліктерінің арасындағы саяси ынтымақтастық 1992-ші жылдан бері тұрақты дамып келеді. Өткен жылы екі ел арасындағы сауда-саттық үш жүз миллион доллардан асты.

Сонымен қатар, Араб Әмірліктері Елордада бой көтеріп жатқан бірқатар әкімшілік ғимараттарының құрылысына қаржы бөліп отыр. Осыдан біраз жыл бұрын екі ел басшылары Қазақстанда алюминий зауыты, фармацевтикалық зауыт, мұнай-химия кешенін салу және Астананың инфрақұрылымын дамыту жөніндегі келісімдерге қол қойған.

Осы жолғы сапар кезінде аталған жоспарлардың жобасы пысықталып, алдағы күндердің еншісіндегі мақсат-міндеттер анықталды.

Бақытжан ОМАР