Туристер жалғыз саяхаттауды ұнататын елдердің рейтингісі жасалды

Дауыс беруге дүниежүзінен 16 мың адам қатысты. Жалғыз аралауды ұнататын туристердің сүйікті елі Испания екендігін мәлім болды.

Туристік саладағы кірісі бойынша Испания Еуропада 1 орында. Испания бай тарихы, мәдениеті және тіл үйірер ерекше асханасымен туристерді өзіне тартады.

Сонымен қатар, бұл ел - әлемдегі ең қауіпсіз мемлекеттердің бірі. Рейтингте екінші - Италия, үшінші - Австралия тұр. Төртінші орында - Жаңа Зеландия, ал бірінші бестікті Бразилия аяқтайды. Қазақстан бұл тізімде 58 орынға тұрақтаған.