Жаңалықтарды Telegram арнамыздан оқыңыз!Бүгін Дохада (Катар) бокстан Әлем чемпионаты аяқталды.
Қазақстан Ұлттық құрамасының капитаны Данияр Елеусінов (69 келі) финалда марокколық Мохаммад Рабииге 3:0 (29:28, 30:27, 29:28) есебімен есе жіберді.
Осылайша Данияр Елеусінов 2013 жылы Алматыда өткен Әлем чемпионатында алған алтын жүлдесіне күміс медаль қосты.
Сонымен қатар, жерлесіміз финалға шыққаны үшін 2016 жылы Рио-де-Жанейрода өтетін Олимпиада ойындарының лицензиясын иеленді.
Айта кетейік, «KAZsport» пен «Қазақстан» Ұлттық телеарнасы Дохадағы (Катар) бокстан Әлем чемпионатындағы барлық жекпе-жектерді тікелей эфирде көрсетуде.
