Сәкен Нарыновтың «Уақыт пен кеңістік» атты инсталляциялар топтамасы - «Таңшолпанда» (ВИДЕО)

Инсталляция - заманауи өнердің жаңа түрі. Яғни, сурет пен мүсін өнерінде автордың өз ойын жеткізу үшін түрлі материалдарды пайдалануы.

Осындай өзгеше өнермен айналысатын Сәкен Нарыновтың «Уақыт пен кеңістік» атты инсталляциялар топтамасы да құпияға толы.

«Әдетте инсталляция автордың ішкі сезімдерінен туындаса, Сәкен Нарыновтың топтамасынан терең философия мен ғылыми тұжырымдамаларды анық байқаймыз. Экспонат математика, астрофизика, космология мен топология сынды нақты ғылым түрлерін негізге ала отырып жасалған», дейді  ҚР Ұлттық музейі заманауи орталығының жетекшісі Роза Әбенова.

Өнер иесінің «Қазақ бөтелкесі» атты темір тордан жасалған туындысымен «Таңшолпан» арқылы таныса аласыздар.