Перудің арнайы қызметінің бұрынғы басшысының бағалы заттары сатылымға шығарылды

Жұма күні перулік билік Перудің бұрынғы президенті Альберто Фухиморидің көмекшісі әрі арнайы қызметтің басшысы болған Владимиро Монтесиностің 152 зергерлік бұйымын сатылымға шығарған.

Бағалы заттардың жалпы құны 1 миллион доллар болуы мүмкін, деп хабарлайды Peru21 басылымы.

Монтесиностың кезінде пара ретінде алған заттарының арасында 39 алтын сағат бар. Олардың ең қымбаттысы 300 бриллиантпен әшекейленген швейцариялық сағат 160 мың доллор тұрады.

Енді Монтесиностың заттарын сатудан түсетін ақша жемқорлыққа және ұйымдасқан қызметке қарсы жұмыс істейтін мекемелердің қажеттілігіне жұмсалады.