Жаңалықтарды Telegram арнамыздан оқыңыз!Әкім орынбасары көлігімен адам қағып өлтірді. Шығыс Қазақстанда Риддер қаласы әкімінің орынбасары Бауыржан Құрманбаев мас күйінде жаяу жүргіншіні басып кеткен. 19 жасар жігіт жедел жәрдем қызметі келгенше қайтыс болды. Кісі өліміне себепші болған Құрманбаев оқиға орнына полиция мен дәрігерлерді өзі шақырған. Оның Риддер қаласы әкімінің орынбасары қызметін атқарғанына 4 жыл болған.
Айгерім Нұрғазина, ШҚО ІІД баспасөз қызметкері:
- Оқиғаны тексеру барысында 45 жастағы көлік жүргізушісі мас болғаны және оның Риддер қаласы әкімінің орынбасары болып жұмыс істейтіні анықталды. Қазіргі уақытта тергеу изоляторына қамауға алынды.
Айдана ДАЙЫРОВА
