VIII Съезд: ЖИ дамыту әдебі – дұрыс ақпарат алу үшін қажет

Дүниежүзілік және дәстүрлі діндер көшбасшылары съезінде пленарлық отырыс мәресіне жетті. Қатысушылар қазіргі геосаяси жағдайдың ушығуын, қауіп-қатерлердің артуын талқылап, жаһандық деңгейдегі дінаралық диалогтың маңызын атап өтті. Дәл қазір бізбен тікелей байланыста әріптесіміз Ақниет Балтанова. Ақниет, жиында қандай бастамалар көтерілді?

Ақниет Балтанова, тілші:

Рахмет, Ләйлә. Жиын барысында Мемлекет басшысы Қасым-Жомарт Тоқаев маңызды бастама көтерді – Жасанды интеллектті дамыту әдебі жөніндегі дінаралық комиссия құруды ұсынды. Қазір жанымда Дінтану зерттеулер орталығының директоры Алмасбек Шағырбай тұр. Алмасбек мырза, Жасанды интеллектті дамыту әдебі неге қажет? 

Ақниет Балтанова, тілші:

Жауабыңызға рахмет. Сондай-ақ съезде сөз алған Мемлекет басшысы дін көшбасшыларын «бейбітшілік елшілері» деп атады. Өйткені барлық негізгі діни бағыттар – әділдік, мейірімділік, өзара құрмет сынды гуманистік құндылықтарды ұлықтайды.

Тағы бір маңызды жаңалық – Съездің қорытынды декларациясы БҰҰ Бас Ассамблеясына ресми құжат ретінде ұсынылады. Бұл – Қазақстан бастамасына берілген жаһандық қолдаудың дәлелі.

Қорытынды жаңалықтарда шетелдік делегаттардың пікірін ұсынамын. Ләйлә, сөз өзіңізде.