Еліміздегі гидротехникалық нысандардың 40% тозған

Қазақстандағы гидротехникалық нысандардың 40 пайызы тозған. Мәселен Құрты, Шардара, Бартоғай және Қапшағай сынды ірі су қоймаларына күрделі жөндеу қажет. Бұл обьектілер қауіпті деп танылып, қатаң бағылауға алынды. Жалпы бүгінгі таңда елімізде 13 мыңнан астам гидротехнкалық нысан бар. Оның ең көнелерінің қызмет етіп тұрғанына ғасырға жуықтаған. Сондықтан жауаптылар кезең-кезеңімен реконструкциялау және техникалық жабдықтарды жаңарту жұмыстарын жүргізіп жатыр.

Жәнібек Қайшыбекұлы, ҚР Су ресурстары және ирригация министрлігі департаменті директорының орынбасары:

Көп факторлы зерттеу жүргізуі – бұл осы су қоймасының толық жұмысқа қабілеттілігін анықтайды. Қанша қызмет көрсету сапасын жасап тұрған, әр құрылғының сапасын толық анықтап, қай жерге қандай құрылыс жұмыстары керек, жөндеу жұмыстары керек, соны анықтауға мүмкіндік береді . Бұл қауіпті заңды түрде мойындау деген сөз. Ол алдын ала жоспарлау. Яғни олар қажет етілетін жөндеу жұмыстарын, соған қарай қаржыны да жоспарлау болып табылады.