Жаңалықтарды Telegram арнамыздан оқыңыз!Су тасқынынан зардап шеккендерге өтемақы төлеу осы аптаның соңына дейін аяқталуы тиіс. Премьер-министр Олжас Бектенов зардап шеккен азаматтарға залалды өтеу мәселесі бойынша кеңес өткізіп, осындай тапсырма берді. Бұл туралы Үкіметтің баспасөз қызметі мәлім етті. Жиында қаржы министрі Мәди Тәкиев пен өнеркәсіп және құрылыс министрі Қанат Шарлапаевтың баяндамалары тыңдалды. Қазір зардап шеккен 3 мың 561 отбасына жоғалған мүлкі үшін 100 АЕК мөлшерінде біржолғы өтемақы түрінде шамамен - 1 млрд теңге төленді. Баспанасынан айырылған тұрғындардың өз таңдауы бойынша жаңа үйлер салынады немесе нарықтан дайын баспана сатып алынады.
