Мал өлексесін жою жұмыстары республикалық эпизоотияға қарсы отрядқа жүктелген
Су тасқыны кезінде өлген малдардың құнын өтеу алгоритмі әзірленді. Бұл туралы Ауыл шаруашылығы министрлігінің ресми өкілі Олжас Тілебалдин хабарлады.
Шығын көлемін анықтау үшін жергілікті әкімдіктермен арнайы комиссия құрылған. Су тасқыны салдарынан, өлген жануарларының иелері малдары туралы мәліметтерді көрсете отырып, сол комиссияға өтініш беруі керек. Кейін оның меншік құқығы анықталады. Әр малдың құнын анықтау да, осы алгаритмде көрсетілген.
Олжас Тілебалдин, ҚР АШМ ресми өкілі:
Меншік иелеріне өтемақы мөлшері Ұлттық статистика бюросы жариялаған жануарлардың түрлері, жынысы мен жас шамасы бойынша нарықтық құны туралы мәліметтер негізінде айқындалатын болады. Жалпы, су тасқынынан зардап шеккен аймақтардағы эпизоотиялық жағдай, сондай-ақ ауыл шаруашылығы жануарларының иелеріне келтірілген шығынды өтеу мәселелері Қазақстан Республикасы Ауыл шаруашылығы министрлігінің тұрақты бақылауында.
Жедел деректер бойынша, өлген мал саны 8 мың бір жүз бас, оның ішінде ұсақ мал – 6 мың, ірі қара – 1,5 мың, жылқы – 514 бас. Республикалық эпизоотияға қарсы отряд жануарлардың өлекселерін жою жұмыстарын қарқынды жалғастыруда.
Сондай-ақ оқыңыз
Барлығы
Заңсыз ақша шығару ісімен айналысқандар жауапқа тартылады
15.09.2025, 20:48

Биыл 140 мың оқушы «Келешек мектептерінде» білім алып жатыр
15.09.2025, 20:03
Жамбыл облысында оқушы қатарластарының қолынан қаза болды
15.09.2025, 19:55
Елордада Жолдаудың негізгі тұстары сараланды
15.09.2025, 19:52
Президент Жолдауын жүзеге асыру жөніндегі жоспар қабылданды
15.09.2025, 19:50
Алдағы 3 жылда мың мектепте тіс емдеу кабинеті ашылады
15.09.2025, 19:46
Бүгіннен бастап 25 мың жұмыскердің жұмыс кестесі өзгерді
15.09.2025, 19:45
Елімізде коммуналдық желілер жаңғыртылмақ
15.09.2025, 19:42