Жаңалықтарды Telegram арнамыздан оқыңыз!«ҚазМұнайГаз» компаниясы су тасқыны кезінде бүлінген инфрақұрылымды, әлеуметтік нысандар мен тұрғын үйлерді қалпына келтіруге қаржылай көмектеседі. Мемлекет басшысының тапсырмасынан кейін, ұлттық компания жиын өткізді. Басқарма төрағасы Мағзұм Мырзағалиев еншілес ұйымдарға жергілікті атқарушы органдарымен бірлесіп, қажетті көмек көлемін шұғыл анықтауды тапсырды.
Компания қаражатты Ақтөбе, Атырау, Батыс Қазақстан және Павлодар облыстарына жібереді. Сонымен қатар «ҚазМұнайГаз-Аэро» серіктестігі, су басқан өңірлердегі эвакуациялық тікұшақтарды жанармаймен қамтуды жолға қойған.
