Жаңалықтарды Telegram арнамыздан оқыңыз!
Александр Бублик әлемнің 26-ракеткасы атанды. Оның Германиядағы жеңісінен кейін рейтингтегі орны бірден 21 сатыға көтерілді. Бұған дейін қазақстандық теннисші рейтингде 48-орында тұрған болатын. Жерлесіміз кеше аяқталған Германиядағы АТР-500 турнирінде топ жарды. Бублик мансабында алғаш рет осындай жоғары нәтиже тіркеп отыр. Ал, былтыр АТР 250 жарысында жеңімпаз болған еді. Ол финалда ресейлік Андрей Рублевтен үш сетте де басым түсті. Осы жеңісінің арқасында теннисші 500 рейтингтік ұпай мен 477 мың еуроға қол жеткізді.
Әлемнің 3-ракеткасы, 2022 жылғы Уимблдон чемпионы Елена Рыбакина Ұлыбританиядағы WTA 500 турнирінде ойнаудан бас тартты. Ол Ролан Гаррос турнирі кезіндегі сырқатынан толық жазылмады, деді Қазақстан теннис федерациясының өкілдері. Десе де, бір аптадан кейін өтетін Уимблдонға қатысады. Оған дейін Еленаның жағдайы қалыпқа келіп қалады, деп отыр.
Асылбек Данияр
