Жаңалықтарды Telegram арнамыздан оқыңыз!Қостанайда «Кәмшат» фильмінің қайта өңделіп, бояуы байытылған түрлі-түсті нұсқасының тұсауы кесілді.
1975 жылы түсірілген туынды Алматы қаласында өңделген.
Деректі фильмде тың игеру жылдары ер-азаматтармен қатар тер төгіп, тракторды тізгіндеген қазақтың қайсар қызы Кәмшат Дөненбаеваның өмірі мен еңбек жолы баяндалған.
Шара барысында алматылық киноөңдеушілер фильмді «Облыстық кино-бейнеқорды сақтау және пайдалану орталығы» өкілдеріне салтанатты түрде табыстады.
Туындыны көпшілікпен бірге Кәмшат Байғазықызының ұл-қыздары мен туыс-туғандары да тамашалады.
Дәуренбек ӘБДІБЕК
