Жаңалықтарды Telegram арнамыздан оқыңыз!АҚШ-тың Калифорния мен Иллинойс штаттарында да жағдай мәз емес. Өршіп бара жатқан маймыл шешегінің таралуын тоқтату үшін төтенше жағдай жарияланды. Бүгінде жұқпалы ауру Құрама Штаттар аумағында 5800 адамнан анықталып отыр. Онымен күрес мақсатында Нью-Йорк штаты да төтенше жағдай режимін енгізді. Маймыл шешегі жақын байланыс арқылы жұғады. АҚШ-та ол негізінен ер адамдар арасында тарап жатыр. Дүниежүзілік денсаулық сақтау ұйымының дерегінше, Африкадан шыққан бұл ауру бүгінде жер шарының 80-ге жуық елінде 18 мыңнан астам адамнан анықталды. Сондай-ақ Бразилия мен Испанияда қайтыс болғандар тіркелген.
