Жаңалықтарды Telegram арнамыздан оқыңыз!Қорғаныс министрлігінің бітімгершілік даярлық орталығының нұсқаушылары шетелдік әскерилерге дәріс өткізді. Ұлыбритания, Пәкстан және Мозамбик елдерінің жауынгерлері Қазақстанда өткен «БҰҰ Штабтық офицерлері» атты халықаралық курсына қатысты. Екі апта көлемінде біліктілігін арттырғандар енді бітімгерлік әскери операцияларға қатысып, түрлі штабтарда жұмыс істейді. Бүгін оларға арнайы сертификаттар табысталды. Бұл шара Қазақстанның әлемдегі бейбітшілікті қолдап, кез келген елмен жан-жақты дипломатиялық қарым-қатынас орнатуға ашық екенін көрсетеді деді ұйымдастырушылар.
Ермек Төлесов, ҚР Қорғаныс министрлігінің бітімгершілік даярлық орталығының аға нұсқаушысы:
Бұл курсты ұйымдастырудағы мақсатымыз келешекте БҰҰ-ның әртүрлі штабында жұмыс істеуге ниетті офицерлердің білімін, БҰҰ туралы түсінігін және ол жерде қалай жұмыс істеу керектігін үйрету болып табылады.
Нұрсұлтан Тілектес
