Жаңалықтарды Telegram арнамыздан оқыңыз!Жаңа Экологиялық кодекстің нормаларына сәйкес 83 ірі компанияға технологиялық аудит жүргізілді. Президент қабылдауында болған Экология, геология және табиғи ресурстар министрі осылай деп мәлімдеді. Бұл компаниялардың 2025 жылға дейін жаңа технологияға көшуге дайындығын бағалауға мүмкіндік береді. Серікқали Брекешов сондай-ақ министрліктің бірінші тоқсанда атқарған қызметінің қорытындысы мен алдағы кезеңге арналған жоспары жөнінде есеп берді. Президент экологиялық мәселелерді шешу, су шаруашылығы инфрақұрылымын жақсарту және геология саласын дамыту жөнінде бірқатар тапсырма берді.
