45 мың азаматтың 180 млрд теңге қарызы кешірілді

Қазақстанда 45 200 азамат банкрот деп танылды. Олардың банктерге берешегі 180 млрд теңгеден асып кеткен. Соның ішінде 13 мың адам 5 жылдан астам уақыт қарызын төлемегендер. Ал, 2500-і әлеуметтік жағдайы төмен отбасылар. Қаржы вице-министрінің айтуынша, олардың қарыздары толық кешірілген. Банкроттыққа өтініш берудің талаптарын министрлік өкілдері былай түсіндірді.

Ержан Біржанов, ҚР Қаржы вице-министрі:

Арыз беруші соттан тыс банкрот болса мүлкі болмауы керек, көптен қарыз болуы керек. Активтері болмауы керек. Сол себептермен ғана біз ол кісіні банкрот деп танимыз. Қазіргі таңда банкроттыққа арыз жазған азаматтардың баспанасы, автомобильдері бар. Біз оларды банкрот деп тани алмаймыз.