Google ЖИ-хаб құруға 15 млрд доллар бөлмек

Google алдағы 5 жылда Үндістанда ірі мәліметтер орталығы мен жасанды интеллект хабын құруға 15 млрд доллар бөледі. Қуаты 1 гигаватқа жетпек. Америкалық технологиялық компанияның мәлімдеуінше, аталған орталық АҚШ-тан тысқары ең ірі жасанды интеллект орталығы болады. Жоба аясында энергиямен қамтамасыз ету, талшықтық-оптикалық желілер және сәйкес инфрақұрылымға инвестиция құю қарастырылған. Қазіргі уақытта Үндістанда жасанды интеллект негізіндегі құралдар мен шешімдерге сұраныс артқаны байқалады.