Жаңалықтарды Telegram арнамыздан оқыңыз!Тәуелсіздік күніне орай Ақмола облысында балық өнімдерін өңдейтін тұңғыш цех ашылды. Қорғалжын ауданы Абай ауылында орналасқан өндіріс орнына шикізат , яғни балық ұзақ мерзімге жалға алынған көлден ауланады. Сондай-ақ, балықшылардан да өнім қабылданады. Мұнда шортан, алабұға, көксерке, табан балықтары өңделмек. Жоба қуаттылығы - күніне 1 жарым тонна. Жаңа өндірістің әлеуеті зор, - дейді мамандар. Себебі Қорғалжында өзен-көлдер баршылық. Нұр-Сұлтан қаласы да жақын. Сондықтан алдағы уақытта өңделген өнім елорда нарығына шығарылады.
Ерсайын Хасенов, кәсіпорын директоры:
Нарықты зерттедік. Ауданда шикізат та бар, сату нарығы да алыс емес. Сондықтан осындай цех ашу туралы шешім қабылдадық. Біз балықты толық қайта өңдейміз. Жартылай фабрикаттар шығарамыз. Ауыл тұрғындарын жұмыспен қамтамасыз етеміз.
Ермек Елберген
