Қазақстанда полицейлердің жалақысы өседі

Қазақстанда полицейлердің жалақысы өседі. Бұл туралы Сенаттың үкімет сағатында Ішкі істер министрі Ерлан Тұрғымбаев мәлімдеді.

«2021-2023 жылдар аралығында полиция мен Ұлттық Ұлан әскері қызметкерлерінің жалақысы өседі.

Бірінші кезеңде аз қамтылған сержанттардың, кинологтардың, учаскілік полиция көмекшілерінің, күзет қызметкерлерінің жалақысы 15 пайыздан 58 пайызға дейін көтеріледі. Қалған қызметкерлердің жалақысы осы кезеңде 30 пайызға дейін өседі», - деді министр. 

Фото: Pavel Mikheyev