Алматыда Абай мерейтойына орай 175 түп қарағай отырғызылды

Алматыда ұлы Абайдың 175 жылдық мерейтойына орай 175 түп қарағай отырғызылды. Игі бастаманы қалалық әкімдік, саңыраулар қоғамы мен Ұлттық қауіпсіздік комитеті академиясы бірлесіп жүзеге асырды. 175 ағашты әскери курсанттар мен кез келген тұрғын өз еркімен отырғызды. Жалпы Алматыны көгалдандырудың 2020-2030 жылдарға арналған стратегиясы әзірленген болатын. Жобаға сәйкес 1 млн ағаш отырғызу жоспарда бар.   

Тимур Елеусізов, «Қазақстанның экологиялық патрулі» ҚБ төрағасы:

Ұлы ақынның мерейтойына орай аллея ашып, ағаш отырғызу акциясын ұйымдастырдық. Пайдалы шара тұрғындардың жасыл желекті қорғау, табиғатты аялауға деген сезімін оятады деп ойлаймын. Бұл экосаябақта осыған дейін 2400 ағаш егілген. Енді 175 түп қарағай қосылды.

Жазира Оразқызы