Жаңалықтарды Telegram арнамыздан оқыңыз!Шығыс Қазақстанда жыл басынан бері 8,5 мыңнан астам мал арнайы айыппұл тұрағына қамалды. Аймақтағы полицейлердің айтуынша, бұл барымтамен күресудің бір жолы. Себебі ұрылардың көзі бірінші кезекте иен далада, қараусыз жүрген малға түсетіні белгілі. Сонымен қатар, тасжол маңында жүрген төрт түліктің кесірінен жол-көлік оқиғасы да жиі болады. Осындай жағдайларды болдырмау үшін облыс бойынша барлығы 262 уақытша мал қамайтын орын дайындалған. Мұндай жерге егістікке түсіп кеткен және құлағында сырғасы жоқ мал да жеткізілуде. Олардың иелеріне, 2 мыңнан астам адамға айыппұл салынған.
Талғат Нұриев, ПД Жергілікті полиция қызметі басқармасының бастығы:
Өріске бос жібере салады. Малдарына қарамайды. Ол малдың қайда жүргенін ешкім білмейді. Содан кейін бір апта өтіп, он күн өтіп, өріске барғанда таппайды. Одан соң «менің малым ұрланды» деп арыз жазады. Сосын учаскелік полиция инспекторы сол малды тапқанша іздеп жүреді.
Берік Көшербай
