Жаңалықтарды Telegram арнамыздан оқыңыз!Жайықтағы балықтардың жаппай қырылуына кінәлі лауазым иелері жазаланды. «Атырау су арнасы» мекемесінің бұрынғы басшылары Руслан Құрметов пен оның орынбасары Виктор Сущенко және су тазарту станциясының бастығы Михаил Чурсин 2 жыл 6 айға бас бостандығынан айырылды. Алайда олардың адвокаттары бір ауыздан сот үкімімен келіспейтінін жеткізді. Қылмыстық іс аясында кешенді сот-экологиялық сараптама жүргізілді. Нәтижесінде су айдынына көп мөлшерде хлордың төгілгені анықталды. Еске сала кетейік, өткен жылдың желтоқсан айында Жайықта 110 тоннадан астам балық қырылып қалған еді.
Жандос ТЕМІРҒАЛИ
