Жаңа Зеландияда автобус апатқа ұшырады

Бүгін Жаңа Зеландияның Норд аралында 27 адам мінген автобус апатқа ұшырап, 5 адам қаза тапты. Тағы алтауы жараланған. Қатты зардап шеккендердер тікұшақпен, жедел жәрдем машинасымен дереу ауруханаға жеткізілді. 

Құрбандардың бірнешеуі қытайлық туристер болса керек. Олар отырған көлік автомагистраль үстінде аударылып қалған.  

Апатқа нақты не себеп болғаны әзірге белгісіз. Қазір тергеу жүріп жатыр. Дегенмен, «Ассоушиэйтид пресс» агенттігінің хабарлауынша, бұл оқиғаға ауа-райының қолайсыздығы себеп болуы мүмкін.

Арыстан РЫСБЕК