ЮНЕСКО мультимедиялық материалдарға байқау жариялайды

ЮНЕСКО ұйымы «Жастардың халықаралық мультимедиалық байқауы-2016» шарасын ұйымдастыруда. Байқауға жұмыстар үш жас ерекшелігі бойынша қабылданады.

10-14 жас, 15-19 жас және 20-24 жастағы қатысушылардан өтініштер қабылдау 2016 жылдың 16 қаңтарына дейін жүргізілмек.

Тілек білдірушілер БҰҰ-ның тұрақты дамуға арналған 17 мақсатты тұжырымдамасының бірін таңдап, оған жету жолдарына арналған шешімдерін ұсынуы тиіс.

Байқауға үш минуттық видеолар, мультимедиалық таныстырылымдар, эссе және байқау талаптарына жауап бере алатын көркем туындылар қатыстырылады.

Әр жас ерекшелігіндегі жеңімпаздар 2016 жылдың жазында АҚШ-тың Мэриленд штатында өтетін 14 күндік «Builders of the Universe» лагеріне жолдама алады.

ijnet.or