Самбо бойынша Әлем чемпионы, UFC палуаны Хабиб Нурмагомедов Қазақстанға келеді

5 маусымда «Қазмедиа орталығы» ғимаратының 11-қабатында Қазақстанның Аралас жекпе-жек федерациясы «KAZsport» телеарнасымен бірлесе отырып, самбо бойынша Әлем чемпионы, UFC палуаны Хабиб Нурмагомедовтің қатысуымен баспасөз мәслихатын өткізеді.

Х.Нурмагомедов Қазақстанда алғаш рет аралас жекпе-жек техникасы бойынша шеберлік сағатын өткізбек.

Әлемдік ММА жұлдызының семинары 5 маусым күні сағат 18.00-де Астана қаласындағы «Еуразия» спорт кешенінің ғимаратында және 6 маусым күні сағат 11.00-де Алматы қаласындағы жоғары спорт шеберлігінің мамандандырылған мектебінде өтеді.

Хабиб Нурмагомедов - UFC-де сынға түсетін аралас жекпе-жектің кәсіби палуаны. Ол жеңіл салмақ дәрежесіндегі әлемнің үздіктері арасында екінші орында тұр. Жеңіл салмақтағы UFC үздік боксшыларының ондығына кіреді.

Баспасөз мәслихатының басталуы: сағат 12.00.