«Құбылай хан» телехикаясы «Қазақстан» эфирінде

Ұлттық арнада «Құбылай хан» телехикаясы көрерменнің сұрауы бойынша  эфирге қайта жол тартпақ. Тарихи туындыны бүгін телехикаяның 1, 3-бөлімдерін сағат 14:15-те тамашалай аласыздар.

Телехикая  Шыңғыс ханның Төлейден тараған немересі Құбылай ханның өмірін суреттейді. Сюжет бірнеше онжылдықты қамтыған.

50 бөлімнен тұратын тарихи драма Қытай елінде үлкен табысқа жетіп, қымбат жобалардың бірі болды. Телехикая Гонконг, Тайланд, Малайзия, Корея, Тайвань, Вьетнам, АҚШ, Канада елдерінде де көрсетілді.

Кино туындыда 5 мыңға жуық актер ойнаған. Сондай-ақ, түсірілім жұмыстарына 5 мыңдай жылқы  қатыстырылды. Тарихи драманың қоюшы режиссері - Цуй Сиу Мин.