Атырауда жауынның мөлшерден артық жаууына байланысты төтенше жағдай жарияланды

Жауын зардаптарын жоюға департаменттің 15 адамнан құрылған жедел тобы мен  35 техника,  Батыс өңірлік аэромобильдік жедел құтқару жасағы мемлекеттік мекемесінің 8 қызметкері мен екі техникасы жұмылдырылған. Төтенше жағдайлар департаменті мен қала әкімдігі басшыларынан бірлескен арнайы штаб құрылды.

Зардап шеккендер мен қаза болғандар жоқ. Қазіргі таңда 23 жеке тұрғын үйде су сору жұмыстары жүргізіліп жатыр. 15 жеке тұрғын үйден 32 адам қауіпсіз жерге көшірілген.

Бүгін Атырау қаласындағы мектептерде сабақ тоқтатылды. 

Фото: www.nur.kz