Ресейде аюлардың адамдарға шабуылы жиіледі

Бір жылда Ресейде 121 рет аюлар адамдар тұратын елді мекендерге жақындаған. Әсіресе Чукотка, Красноярск өлкесі мен Ямал-Ненец автономиялық округінде жыртқыштардың адамдарға шабуылдау фактілері жиілеген. Кей аудандарда төтенше жағдай жарияланған. Мамандардың пікірінше, мұндай жағдайлардың алдын алу үшін елді мекендер маңындағы қауіпті аумақтарда патрульді күшейту маңызды. Ал экологтар қоқыстарды тағам қалдықтарынан тазартуға кеңес беріп жатыр. Жалпы соңғы үш жылда Ресейде ақ аю шабуылынан 25 адам қаза тапқан.