«Менің сүйікті мультфильмім» акциясы өтті (ФОТО)

Бүгін «Балапан» телеарнасы Алматы қаласындағы «Мега» сауда - ойын-сауық орталығы, «MARWIN» дүкенінде «Менің сүйікті мультфильмім» атты акция өткізді.

Іс-шараға Алматы қаласындағы балалар үйінің бүлдіршіндері де қатысты. Олар «Балапан» телеарнасынан көрсетілетін «Әли мен Айя» мультфильміндегі кейіпкерлердің суретін салу бойынша  сайысқа  түсті.

Сонымен қатар, қуыршақ театрынан арнайы шақырылған аниматорлармен ойын ойнап, талантты балалардың өнерін тамашалады.

Айта кетейік, телеарна ұжымы «Менің сүйікті мультфильмім» атты акцияны Елбасы Нұрсұлтан Назарбаевтың отандық өнімді қолдауға арналған  «Қазақстанда жасалған» атты мемлекеттік жобасын іске асыру мақсатында өткізді.