ФИФА Катардағы Әлем чемпионатының ауысқаны үшін өтемақы төлемейді

Катарда футболдан Әлем чемпионатының уақыты ауысқаны үшін еуропалық клубтарға ешқандай  өтемақы төленбейді. Бұл туралы Дохада ФИФА-ның бас хатшысы  Жером Вальке ресми түрде мәлімдеді.

Мундиаль еуропалық клуб маусымы қызған кезде басталады. Ал,  бұл – командалардың қосымша қаржылық шығындарды өтеуі керек екенін білдіреді.

«Біз барлық міндеттерімізді 2020 жылға дейін созылған сақтандыру бағдарламасы бойынша атқардық. Сонымен қатар, бізде командалармен Әлем чемпионатынан бонус беріледі деген келісім бар»,-дейді Вальке.

Чемпионаттың ауысуы туралы нақты шешімді  ФИФА-ның атқарушы комитеті айтады. Чемпионат 23 желтоқсанда өтуі мүмкін.