Жаңалықтарды Telegram арнамыздан оқыңыз!Берік Әлібай – қазақ қолөнерінің өсіп-өркендеуі жолында еңбек етіп келе жатқан хас шебер. Төл өнерді жетік меңгерген өнер майталманы.
Бала күнінен ұлттық өнерге бейімделген Берік Әлібай Алматы қаласындағы көркем-сурет училищесін және Темірбек Жүргенов атындағы Қазақ Ұлттық өнер академиясын тәмамдаған.
Жасынан халық өнерімен сусындаған шебер қолөнер мәдениетін, дәстүрлі қолөнерін жинап, атадан балаға мирас етіп келеді. Берік Әлібай бүгінде ұлттық өнерді ел аумағында ғана емес, сондай-ақ, ҚХР, Сауд Арабиясы, Жапония, Иран, Ресей, Катар, Түркия сынды алыс-жақын шетелдерде насихаттап жүр.
Ертең «Сенбілік таң» бағдарламасы ҚР Еңбек сіңірген қайраткері, суретші-зергер Берік Әлібайдың отбасымен сұхбат құрады. Ұлттық арнадан сағат 09.00-де көріңіз.
