Қарағандылық құрылысшылар 5 айда тоғыз қабатты үй салды

Салынған үйдің сапасына Германиядан келген мамандар жақсы баға берген.

Қарағанды облысының Саран қаласындағы панельді үйдің дайын қабырғаларын шығаратын кәсіпорын тұрғын үй құрылысын жылдамдатуға оң серпін беріп отыр.

Зауыт өнімдері жылу оқшаулау қасиетімен және бағасының арзандығымен зор сұранысқа ие. Неміс технологиясымен жұмыс істейтін зауыт өнімінің сапасына ешкім шүбә келтірмейді.

«Шағын қалаларды дамыту» бағдарламасы аясында ашылған бұл кәсіпорын екі үлкен автоматты желімен жабдықталған. Мына қалыптарға алдымен бетон құйылып, оның үстінен жылу сақтағыш материал төселеді. Мықты етіп арматуралары бекітіліп, үстінен қайта бетон құйылады. Сөйтіп, жоғары температуралы камерада әбден кептіріледі.

Руслан НҰРЛАНҰЛЫ