Елордада «Азаттықтың ардағы» атты әдеби-сазды кеш өтеді

Астана қаласы Тілдерді дамыту басқармасының ұйымдастыруымен 4 желтоқсан күні Астана Ұлттық сурет галереясында Қазақстан Республикасының Тәуелсіздік күніне арналған «Азаттықтың ардағы» атты әдеби-сазды кеші ұйымдастырылады, деп хабарлады басқарманың баспасөз қызметі.

Әдеби-сазды кеште Керей мен Жәнібек хандар тұсындағы қазақ мемлекетінің құрылған уақытынан бастап, тәуелсіздік алған күнге дейінгі қазақ халқының басынан кешкен ірі оқиғалары, Абайдың ұлағатты сөздері оқылып, Алаш қайраткерлері туралы көріністер қойылады.

Оны Қ.Қуанышбаев атындағы мемлекеттік академиялық қазақ музыкалық дарама театры әртістері сахналайды.