Криштиану Роналдуға ескерткіш орнатылады

Мадридтік «Реал» мен Португалия құрамасының ойыншысы Криштиану Роналдуға туған жерінде ескерткіш орнатылады, деп хабарлайды шетелдік БАҚ.

Мерекелік іс-шара 21 желтоқсан күні футболшының туған жерінде - Майдера аралында орналасқан Фуншал қаласында өтеді.

Сондай-ақ, 29 жастағы футболшы халықаралық аренада спортты дамытуға және насихаттауға үлес қосқаны үшін жергілікті биліктен арнайы марапатқа ие болады.

Айта кетейік, Роналду 2014 жылғы «Алтын допқа» үміткерлердің тізіміне еніп отыр. Футболшы бұған дейін екі рет «Алтын доп» иегері атанған болатын (2008, 2013).