БҚО-да 300-ден аса балаға оқу құралын табыстады

«Әділет» партиясы мұрындық болған акцияның мақсаты – әлеуметтік жағынан аз қамтылған отбасы балаларына қолдау көрсету. Отбасы жағдайы баланың толыққанды білім алуына кедергі болмауы керек дейді партияластар. Оқушыларға мектеп формасы, сөмке, кеңсе және оқу құралдары, спорттық киім мен аяқкиім, басқа да керек-жарағы берілді. Акция, ең алдымен, ерекше білім беру қажеттіліктері бар, мүгедектігі бар, жетім және ата-анасының қамқорлығынсыз қалған, көпбалалы отбасылардың балаларына бағытталған. Акцияға партия мүшелерімен қатар кәсіпкерлер, меценаттар, қайырымдылық ұйымдарының өкілдері, еріктілер, басқа да ниет білдірген азаматтар қатысты.