Жаңалықтарды Telegram арнамыздан оқыңыз!12 қазан күні Алматыда Қ.Сәтбаев атындағы Қазақ Ұлттық техникалық университетінің 80 жылдығына орай веложарыс өтеді, деп хабарлайды Алматы қаласы әкімінің баспасөз қызметі.
Мерейтойлық жарыс №176 мектеп аумағындағы Шаляпин және Яссауи көшелерінің қиылысында таңғы сағат 08.00-де басталады. Жарыс мәресі – Қ.Сәтбаев атындағы Қазақ Ұлттық техникалық университетінің бас корпусының алды.
Жеңімпаздарға бағалы сыйлықтар беріліп, концерт ұсынылады.
Айта кету керек, осы шараға байланысты 12 қазан күні 07.00-11.00 аралығында Шаляпин және Сәтбаев көшелеріндегі автокөлік қозғалысына шектеу қойылады.
