Бүгін еліміздің басым бөлігінде жел күшейеді

Қазақстан аумағының басым бөлігінде атмосфералық фронталды ағындардың әсерінен құбылмалы ауа райы сақталып, кей жерлерде жауын жауып, жел күшейіп, тұман түседі деп күтілуде. Тек республиканың батысы мен оңтүстік-батысында жауын-шашын болмайды. Бұл туралы «Қазгидромет» хабарлады.

Ақмола, Солтүстік Қазақстан, Қарағанды, Оңтүстік Қазақстан, Жамбыл облыстарында түнде және Қостанай облыстарында күндіз тұман түсіп, жел күшейіп, секундына 15-22 метрге жетеді.

Ал Ақтөбе, Маңғыстау облыстарының кей жерлерінде түнде және күндіз тұман түссе, Шығыс Қазақстан, Павлодар облысының кей жерлерінде жел күшейіп, секундына 15-20 метрге дейін жетеді.

Алматы облысының кей жерлерінде тұман түсіп, желдің күші секундына 15-20, күндіз 25 метрге дейін жетеді.

ҚазАқпарат