![Қыздар университетінде белгілі ақын Ақұштап Бақтыгереевамен кездесу өтеді](https://cdn.qazaqstan.tv/old/articles/4/article_41148.jpg?w=928&h=522&format=jpg&resize=aspectfill&g=center)
Ертең, 2 қазан күні Қазақ мемлекеттік қыздар педагогикалық университетінде белгілі ақын, Қазақстанның еңбек сіңірген қайраткері, халықаралық «Алаш» әдеби сыйлығының иегері Ақұштап Бақтыгерееваның 70 жылдық мерейтойы аясында кездесу өтеді. Айта кетейік, ақынның мерейтойы Қыздар университетінің 70 жылдығымен тұспа-тұс келіп отыр. Ақұштап Бақтыгереева - Қыздар университетінің түлегі.
Әдеби мұраны насихаттау мақсатында өтетін кеште ақынның өлеңдері оқылып, оның сөздеріне жазылған әндер шырқалады.
Шараға танымал ақын-жазушылар, Қыздар университетінің ұстаздары мен студенттер қатысады.
Сурет: inform.kz
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Қыздар университетінде белгілі ақын Ақұштап Бақтыгереевамен кездесу өтеді&mh_tags=Qazaqstan&mh_page=https://qazaqstan.tv/news/90833/)