Венеция кинофестивалінде алғаш рет сериал көрсетілді

71-ші рет өтіп жатқан Венециялық кинофестивальде «Олив Киттридж» (Olive Kitteridge) атты телевизиялық сериалының тұсаукесері болды. Әлемдегі көне кинофестивальде мұндай жағдай алғашқы рет болып тұр.

Әрбір сериясы 55 минут болатын төрт серияның режиссері Лиза Холоденко. Сериал Элизабет Страуттың ауылдық мектептегі мұғалімнің өмірін баяндайтын, Пулицер сыйлығын алған романы негізінде түсірілді.

Сериал телеөндіріспен айналысатын белгілі НВО компаниясымен түсірілді. Ал оның продюссері атақты америкалық актер – Том Хэнкс.