Мемлекет басшысы Қарағанды облысының спортшыларымен кездесті

Мемлекет басшысы Нұрсұлтан Назарбаев Қарағанды облысына сапарында халықаралық стандарттарға сай қызмет көрсететін жаңа спорт клубының жұмысымен танысты.

Сондай-ақ, Елбасы Олимпиада ойындарының және халықаралық жарыстардың жүлдегерлері мен жеңімпаздары С.Сәпиев, Д.Карпов, А.Жүсіпов, А.Барменов, С.Елеуовпен кездесті.

Нұрсұлтан Назарбаев салауатты өмір салтын ұстанудың маңыздылығын айта отырып,  жиналғандардың спортта жоғары нәтижелерге жетуіне тілектестік білдірді.  

Спортшылар өз кезегінде Мемлекет басшысына Қазақстандағы спортты дамытуға ұдайы көңіл бөліп отырғаны үшін алғыс айтты, деп хабарлайды Ақорданың баспасөз қызметі.