Қызылорда қаласында Илья Ильин атындағы спорт алаңы қайта қалпына келтірілуде

Илья Ильин алты жыл бұрын туған қаласына сыйға тартқан спорт алаңы қайта қалпына келтірілуде, деп хабарлады ҚазАқпарат.

Илья Ильин 2008 жылы Бейжіңде алғаш рет чемпион атанғанда өзінің жеңіп алған қаражатына Оңтүстік ауданындағы спорттық ойын алаңын қалаға сыйға тартқан.

Жаңа алаңда снарядтармен қатар еуропалық стандартта қоршалған және жоғарыдан тормен жабылған шағын футбол алаңы орнатылады. Қазіргі кезде Ильин атындағы спорттық ойын алаңында барлық құрылыстар бөлшектелді. Мердігер ретінде «Бибісара» ЖШС жұмыс істеп жатыр. Кішкентай бүлдіршіндерге арналған ойын жабдықтары жаңартылып, алаң аумақтарына жасанды шөп, кей жерлеріне қырлы тастар төселеді.