Екатерина Ларионова күрестен Әлем чемпионатында күміс жүлдегер атанды

Хорватия астанасы Загреб қаласында өтіп жатқан күрестен жастар арасындағы Әлем чемпионатының төртінші күнінде жерлестеріміз алғашқы медальға қол жеткізді.

Қыздар арасындағы Ұлттық құраманың үздік палуаны 63 келідегі Екатерина Ларионова финалдық бәсекеде ресейлік Любовь Овчаровадан жеңіліп қалды. Нәтижесінде күміс медальді қанағат тұтты.

Әлем чемпионаты, 63 келі. Жүлдегерлер:

1. Любовь Овчарова (Ресей)

2. Екатерина Ларионова (Қазақстан)

3. БурнебатарНямгерел (Моңғолия), КиваСакаэ (Жапония)

Сондай-ақ, 72 келідегі палуан Жәмилә Бақбергенова қола медаль иеленді.

Әлем чемпионаты, 72 келі. Жүлдегерлер:

1. Сабира Алиева (Әзербайжан)

2. Анжела Катаева (Ресей)

3. Жәмилә Бақбергенова (Қазақстан), Виктория Фрэнсис (АҚШ)