Тұрғын үй нарығындағы баға өзгерді

ҚР Статистика агенттігінің мәліметіне қарағанда, 2014 жылғы шілдеде тұрғын үй нарығындағы баға өзгерді. Бұл туралы ҚазАқпарат хабарлайды.

Атап айтқанда, шілдеде өткен аймен салыстырғанда көркейтілген тұрғын үйлерді алып-сату бағасы - 0,7 пайызға, ал, одан төмен санаттағы үйлердің бағасы 0,6 пайызға өсті. Ал, жаңа тұрғын үйлерді сату және көркейтілген тұрғын үйлерді жалға беру бағасы өзгеріссіз қалды.

Агенттік мәліметтеріне қарағанда, шілде айында жаңа тұрғын үйлерді сату бағасы шаршы метріне орташа алғанда 214 433 теңге.

Ал, көркейтілген тұрғын үйлерді сатудың орташа бағасы  - 170 098 теңге. Бұл алдыңғы аймен салыстырғанда 0,7 пайызға жоғары.