Астанада Олимпиада жүлдегерлері ағаш екті

Астанада танымал спортшылар, жаттықтырушылар мен елорда жастары ағаш отырғызды. «Таза Қазақстан» акциясы аясында өткен игі бастаманы қолдағандар тал егіп қана қоймай, орталық саябақты қоқыстан тазартты. Экологиялық акциядан кейін үш ай бойы өткен тегін Street Workout жаттығуларының маусымы қорытындыланды.

Мемлекет басшысының «Таза Қазақстан» тұжырымдамасы аясында біз де өз қаламызды абаттандырайық, көгалдандырайық деп сенбілікке шықтық. Мен екі ұлымды да ала келдім. Өйткені табиғатқа жанашыр болып өссін деймін.

Бұл – Қазақстанда теңдесі жоқ бірегей спорт алаңы. Мұнда кез келген адам тәулік бойы, жылына 365 күн тегін спортпен айналыса алады. Жаттығуға қажетті барлық құрал-жабдық бар. Алаң Орталық саябақта орналасқан. Барша қала тұрғындары мен қонақтарын таза ауада спортпен шұғылдануға шақырамыз. Біз – таза ел, дені сау ұлт үшін!

Өте керемет шара ұйымдастырылып жатыр екен. Енді Таза Қазақстанның аясында, енді көп жастарға үлгі-өнеге. Былайша спортқа, тазалыққа жалпы тәрбиелік мәні керемет жағдай ғой. Бұны тек қана осындай айтулы күндерде ғана емес, аптасына бір рет өткізіліп жатса, халық тек қана ризасын білдіретін болады деп ойлаймын.